تامر حسني يختار ""عيش بشوقك" أسم لأابومه الجديد 2018
اعلن تامر حسنى تفاصيل الالبوم الجديد الخاصة به، عبر صفحته الشخصية على موقع "فيسبوك".
وكتب تامر حسني: "نهاركم جميل إن شاء الله، سألتوا كتير عن ألبومى الجديد وقولتلكم إن غيابى ده عشان أعمل أفكار جديدة تليق بجمهور عظيم زيكم وتليق بمشوارى وبمكانتى كمطرب مصرى عربى".
وتابع: "الألبوم ده أخد مجهود كبير من سنتين لحد النهارده وأنا كل يوم بشتغل على تطويره وإصداره بشكل مش تقليدى وخارج الصندوق المعتاد.. الألبوم ده أنا بعتبره محطة جديدة فى حياتى من حيث الفكر والموسيقى والجودة وأنتوا أكيد هتلاحظوا ده الفترة الجاية.. المهم بدأ خلاص العد التنازلى لإصدار الألبوم وكل يوم هيكون فى جديد بتعرفوه لحد ما يطلع للنور إن شاء الله".
وأضاف: "ألبومى القادم اسمه (عيش بشوقك) كلمات: مصطفى حسن ألحان: بلال سرور توزيع: بلال سرور وهانى محروس، وهى أغنية مبهجة غير تقليدية تمامًا وفيها حالة يمكن بتمس معظمنا.. الأغنية من إخراج المخرج الكبير هادى الباجورى".
وختم كلامه: "بكره إن شاء الله هينزل أول ميكينج أوف لأغنية (وأنت معايا) اللى بتجمعنى بأستاذى النجم الجزائرى الكبير الشاب خالد وهتشوفوا كواليس الأغنية وكل مراحلها الكليب للمخرج اللبنانى الكبير سعيد الماروق".
